Gibarugan ni Impeachment Trial Presiding Officer Francis “Chiz” Escudero nga kinahanglan ang 16 ka boto gikan sa 24 ka senador aron hingpit nga matangtang sa puwesto ang usa ka akusado nga opisyal.
Gihimo niya kini nga pagkumpirma human mangutana si Senador Panfilo Lacson kon giisip ba kini nga opisyal nga desisyon sa maong korte.
Gitataw usab ni Escudero nga dili obligado si Bise Presidente Sara Duterte nga personal nga motambong sa matag pagdungog tungod kay aduna na man siyay mga abogado nga nagrepresentar kaniya.
Dugang pa ni Escudero, kon gusto gayud sa mga piskal nga mapatestigo mismo si VP Sara, gikinahanglan una silang mosumite og pormal nga mosyon aron desisyunan sa impeachment court.
