CAGAYAN DE ORO CITY – Nag-back to back title na sa pagsilbing 1st runner up ang kanhi Ms Kuyamis sa Misamis Oriental nga si Annabelle Mae McDonelle ning tuiga.
Kini human siya unang giila nga 1st runner up sa 2022 Ms Universe Philippines ug susamang spot ang iyang nadag-an sa pag-apil sa pinakaunang edisyon sa Ms Charm International 2023 sa Chi Minh City,Vietnam kagabii.
Si McDonelle ang tipik sa final 3 nga nabilin gikan sa 38 ka participating international candidates nga gipatubag sa ‘common’ question lamang.
Apan mas kumbinsido ang mga hurado sa tubag ug dala nga kaanyag kang Brazilian candidate Luma Russo rason nga siya ang gikoronahan isip Ms Charm International 2023.
Nagsilbing 2nd runner up usab sa maong indigay si Ms Indonesia Olivia Tan.
Sa pagkakaron,bugtong pagpasalamat pa lamang ang gipaabot Misamismon beauty queen ngadto sa tanang mihatag sa ilang suporta sa gi-representahan niini nga pageant contest ning tuiga.
