Nanawagan si Fr. Derjohn Faborada sa mga Pilipino nga padayon nga mag-ampo alang sa nasud taliwala sa nagpadayon nga mga pagsulay ug kalisdanan.
Matod niya, gilauman niyang magmalampuson ang impeachment trial pinaagi sa usa ka patas nga proseso ug tinuod nga accountability sa tanang nalambigit.
Gipasabot ni Fr. Faborada nga ang fairness ug accountability maoy importante nga pundasyon aron makab-ot ang hustisya.
Busa, giawhag niya ang publiko nga maghiusa sa pag-ampo alang sa kaayuhan, kalinaw, ug kalambuan sa nasud.
Dugang niya, ang pag-ampo usa ka paagi aron mapalig-on ang paglaum ug panaghiusa sa katawhan samtang nag-atubang ang nasud sa maong mga hagit. (JANE ABULAG)
