Dul-an 50,000 ka mga deboto, peregrino ug mga manimbahay ang mitambong sa misa ni Papa Leon ika-14 sa St. Peter’s Square alang sa Jubilee sa mga Pamilya, mga Bata, ug mga Katigulangan.
Sa iyang homiliya, gipasiugda sa santo papa ang kahinungdanon sa panaghiusa ug gugma sa matag pamilya.
Gipunting niya nga ang pamilya mao ang “duyan sa kaugmaon sa katawhan” ug usa ka tinubdan sa komunyon ug pagtuo.
Nagpadumdum ang Santo Papa sa gugma sa Diyos nga walay kinutuban ug ang panaghiusa nga gipangayo ni Jesu Kristo isip gasa nga nagdala sa kaluwasan sa kalibutan.
Sa maong selebrasyon, gihatagan ug pagtagad ni Papa Leon ang dakung papel sa mga ginikanan, mga apohan, ug mga anak sa pagpalambo sa mas lig-on ug mahigugmaong komunidad.
