Taliwala sa dakong kaguol, usa ka “fashion workshop” sa Venezuela ang temporaryong mibiya sa ilang naandan nga trabaho aron motahi sa mga “body bag” alang sa liboan ka mga biktima sa sunod-sunod nga linog sa nasod.
Giasoy sa “fashion designer” nga si Efrain Mogollon nga bug-at kaayo sa balatian ang maong kahimtang apan gihimo nila kini gikan sa kasingkasing aron makatabang sa ilang mga isigkatawo.
Gibutyag usab sa mananahi nga si Mary Castillo nga hapit na duha ka semana silang naglihok niini inubanan sa grabeng kasakit ug kaguol sa matag tahi sa mga plastik.
Bisan pa man sa kalisod, gipaningkamutan sa tibuok grupo nga magpabiling lig-on aron mapadayon ang ilang pag-abag niining panahon sa katalagman.
Sa pagkutlo ning balita misaka pa sa 3,811 ang patay sa duha ka managsunod nga linog sa Venezuela nga miigo niadtong Hunyo 24, 2026
