(Update) CAGAYAN DE ORO CITY – Malaumon ang pamilyang Lariba sa paspas nga pagkaayo ni Olympian Ian ‘Yan-Yan’ Lariba sa St. Lukes Global City sa Taguig City.
Kini human mapasalamaton ang pamilyang Lariba sa malampuson nga bone marrow transplant ni Ian sa miaging semana.
Gibutyag sa Bombo Radyo ni Mel Lariba nga unta ipadayon pa sa katawhan ilabina sa nagmahal kang Ian ang pag-ampo.
Kini tungod kay magpabilin pa ang Olympian sa kapin usa ka bulan sulod sa ospital aro makalikay sa impeksyon.
Gikalipay usab sa pamilya ang malampusong transplant procedure nga gihimo sa mga doktor alang kang ‘Yan-Yan’ aron mabalhin ang dugo nga gikan sa iyang igsoon nga si Ina ‘Yen-Yen’ Lariba.
Milungtad ang transplant procedure sa tulo ka oras ayha nabalhin ang dugo ni Ina padulong kang Ian sa miaging adlaw’ng Sabado.
Dugtong niini,nagpasalamat usab si Ian ngadto sa iyang igsoon ug tibuok pamilya nga kanunay anaa sa kiliran niini.
Gani,kabahin sa iyang Faceboo post ni Yan-Yan iyang gisulti nga:“So proud of my brave lil sis for willingly donating her stem cells to me (kasi wala siyang choice hihi jk lang! 😅) From blood type O+ to officially blood type A+ soon. Thanks a lot @yenyenlariba_ ! I owe you my new life! 🤗😙 Thank you Lord! #YANsiYEN #DonorkoYAN #siskoYAN #meetSupersaiYEN #ProudofyouYEN #BoneMarrowTransplantDone.”
“My strongest support, my fam! ❤ They can only do “smeyes” tho,” kabahin pa sa post ni Lariba gikan sa iyang Facebook account.
