Nakabalik ang momentum sa South Korea sa ikaduha ug tunga o second-half sa dula aron pildihon ang Czech Republic, 2-1, sa ilang unang kombati sa Group A sa FIFA World Cup didto sa Zapopan, Mexico.
Una nga nakapuntos ang Czech Republic pinaagi sa header ni Ladislav Krejci sa ika-59 nga minuto, apan daling napatas sa South Korea ang iskor human makasulod og gol si Hwang In-beom sa ika-67 nga minuto.
Selyado na unta ang dula sa Czech Republic apan nakansila ang ilang sunod nga goal tungod sa usa ka offside call.
Sa ika-80 nga minuto, gipasulod ni Oh Hyeon-gyu ang bola gikan sa pasa ni Hwang aron makuha sa South Korea ang hingpit nga kadaugan.
Gipaniguro sab sa goalkeeper sa South Korea nga si Kim Seung-gyu ang ilang tres puntos human niya masalbar ang duha ka seryosong sipa sa kaatbang sa himatyon nga bahin sa dula.
