CAGAYAN DE ORO CITY – Nasikop sa kapolisan ang fish vendor nga gikaingong nanglugos sa minor de edad sa Purok 4-A Brgy Tambacan, Iligan City.
Giila ang suspek nga si Joel Madrazo, 30-anyos ug molopyo sa maong dapit.
Sumala sa Iligan PNP nga gihanggat sa suspek ang iyang 15-anyos nga silingan nga mag inum, dihang pagkahubog natigayon ang krimen.
Daling nakapangayog tabang ang biktima nga miresulta sa pagkasikop ni Madrazo.
Nasayran nga nalakip sa DI listed ang suspek nga gipreso na karon samtang gihikay ang tukmang kaso nga ipasaka batok kaniya.
