CAGAYAN DE ORO CITY, Philippines – Gipatuman sa Philippine Coast Guard (PCG) ang “fishing ban” sa Manila Bay.
Nunot kini sa ‘oil slick’ gikan sa crude oil tanker nga misagyad sa Bataan, atol sa pag-igo sa Bagyong Carina sa Luzon.
Namahayag si PCG Spokesperson Rear Admiral Armand Balilo nga maabtan pa sa tolo hangtud usa ka semana ang paglimpyo sa krudo nga mikuyanap gikan sa pantalan sa Limay Bataan.
Subay sa labing ulahing situation briefing, ang oil slick mi-abot na sa Pampanga, tibook coastal waters sa Bataan ug coastal barangay sa Bulacan.
Una niini, milaraw ang DENR nga pabayron sa damyos-perwisyo sa gobyerno ug sa mga apektadong mangingisda, ang kompanyang Shogun Ships Company Incorporated (SSCI), kinsa nanag-iya sa misagyad nga barkong MT Terranova, human mi-awas ang ilang dala nga 1.4 milyon litro sa industrial fuel oil, sa pagka-unlod sa ilang barko sa probinsya sa Bataan, duol sa Manila Bay.
