Personal nga gisaksihan ug gipanguluhan ni First Lady Liza Araneta-Marcos ang pormal nga pagbukas sa National Bureau of Investigation (NBI) NBI Clearance nga ma-access sa eGovPH App.
Ang inisyatibo kabahin sa mas lapad nga programa sa gobyerno sa digitalization sa mga serbisyo aron mapadali ang proseso ug malikayan ang dugang nga linya sa mga opisina.
Ang NBI Clearance usa sa pinaka-ginahanglan nga dokumento sa mga aplikante sa trabaho, negosyo, ug lain-laing transaksiyon, busa dako ang epekto sa pagbutang niini sa eGovPH platform.
Sa maong app, ang mga aplikante makaproseso sa ilang clearance online, makapili sa schedule ug lugar sa pagkuha, ug makadawat sa updates sa status sa ilang aplikasyon.
Ang presensya sa First Lady nagpakita sa suporta sa administrasyon sa pagpalapad sa accessible ug transparent nga digital government services alang sa katawhan.
