Gikumpirmar ni Department of Public Works and Highways (DPWH) Secretary Vince Dizon nga ang mga proyekto para sa flood management ug flood mitigation kay maapil sa 2027 nga budget sa gobyerno.
Matud pa ni Dizon, ang tumong sa pag-apil sa mga flood control projects ngadto sa budget sa gobyerno sa 2027 kay aron mapalig-on ang mga lakang batok sa mga pagbaha sa mga nagkalain-laing dapit sa nasud.
Ang maong pahayag gipagawas niya atol sa press briefing sa palasyo sa pagtunol sa pinakabag-ong impormasyon sa mga lugar sa nasud nga apektado sa grabe nga bagyo.
Dugang pa ni Dizon, lauman sa publiko nga maghatag ug dugang nga mga impormasyon ang DPWH sa mga musunod nga adlaw. (raniel mahunyag)
