Padayon nga nag-atubang sa grabeng krisis ang France ug Spain human miigo ang heatwave ug misamot ang mga wildfire sa Western Europe.
Tungod sa nagkalapad nga sunog, dako nga bahin sa kalasangan ang nalamoy sa kalayo, ug liboan ka residente ang gipabakwit aron malikayan ang peligro.
Matod sa mga otoridad, ang hilabihang kainit, uga nga panahon, ug kusog nga hangin maoy hinungdan nga paspas mikatag ang kalayo ug nagpalisod sa operasyon sa mga bombero.
Busa, liboan ka mga bombero ug emergency responders ang padayon nga nanalipod sa mga komunidad nga apektado.
Samtang nagpadayon ang heatwave sa daghang bahin sa Europe, gipahimangnoan sa mga health ug disaster officials ang publiko sa risgo sa hilabihang kainit ug nanawagan og dugang nga mga lakang aron mapaminosan ang epekto sa pagbag-o sa klima.
