Giisa sa full alert status sa Philippine National Police ang tanang police units sa tibuok nasod isip pagpangandam sa rally sa Iglesia ni Cristo o INC karong adlawa sa Liwasang Bonifacio sa Manila.
Matud ni Police Major Phillip Ines, spokesperson sa Manila Police District, kanselado ang tanang leave sa mga pulis aron masiguro nga igo ang gidaghanon sa mga personnel nga ma-deploy.
Giandam usab ang tanang personnel ug mga sakyanan sa kapulisan aron masiguro ang kalinaw, kahapsay, ug kaluwasan sa publiko atol sa maong kalihukan.
Padayon usab ang pag-monitor sa Manila Police District sa mga miyembro ug supporters sa INC nga nagtapok sa Liwasang Bonifacio.
Giila ang maong lugar isip Freedom Park, busa wala na kinahanglana og permit alang sa pagpahigayon sa mapayapang asembliya, subay sa balaod.
