Gisaway’g maayo ni Larry Gadon si Senador Imee Marcos human niini gitawag nga “bangag” ang kasamtangang administrasyon, diin iyang gipahayag nga ang senador mismo ang “buang” ug mga “bobo” tungod sa kapakyas niini sa pag-ila sa mga kalampusan sa nasod pinaagi sa hago sa iyang igsoon nga si Presidente Ferdinand Marcos Jr.
Miingon si Gadon nga ang kasuko sa senador naggikan sa pagkawala sa iyang mga impluwensya sa Customs ug POGO, samtang gipasigarbo niini ang pagsaka sa investments ug ang 96.2% employment rate ubos ni Presidente Marcos.
Gidayeg usab niini ang mga proyekto sa agrikultura sama sa solar pumps ug dams, uban ang “zero billing” sa mga ospital sa DOH alang sa mga kabus.
Gitaos ni Gadon ang iyang pahayag pinaagi sa paghagit sa senador ug gihisgutan pa ang ngalan ni Rene Knecht nga matud pa mamahimong mobutyag sa mga giingong binuang niini kaniadto sa Pasay
