CAGAYAN DE ORO CITY – Gilubong na ang patay’ng lawas sa kontrobersyal nga si kanhi Commission on Elections Commissioner Atty.Virgilio Garcillano sa pribadong menteryo diha sa Brgy Lumbia ning syudad.
Kini subay sa kompirmasyon ni Comelec 10 regional director Atty. Renato Magbutay kabahin sa gidangatan ni Garcillano.
Namahayag si Comelec chairman Atty. George Garcia nga nasubo ang tibuok pamilya sa komisyon sa kalit nga kamatayon sa ilang kanhi opisyal.
Siya miingon nga wala na nila maabti nga gikauban si Garcillano sulod sa Comelec apan nagpabilin usab ang kontribusyon sa dedikasyon sa trabaho niini niadtong aktibo pa sa serbisyo sulod sa gobierno.
Nahimong kontrobersyal si Garcillano kay nakuhaan kini’g recorded phone interview nga nakig-estorya kang kanhi presidente ug karon Pampanga Congresswoman Gloria Macapagal Arroyo diin sila naghisgot sa mga boto nga nakuha niini batok sa iyang kaatbang nga si late TV action star Fernando Poe Jr sa 2004 presidential elections.
Hisayrang namatay si Garcillano sa edad 87 tungod sa pagkatumba niini sulod sa pansayan sa ilang balay sa Brgy Imbatug,Baungon,Bukidnon sa miaging Marso 29 sa gabii.
