CAGAYAN DE ORO CITY, Philippines – Gikwestyon ni Senador Sherwin Gatchalian ang bilyones nga intelligence funds sa mga otoridad, human sa malampusong pagka-ikyas pagawas sa Pilipinas sa natangtang nga Mayor sa Bamban nga si Alice Guo.
Dismayado si Gatchalian nga miabot pa sa usa ka bulan ayha napahibalo kanila ug sa publiko nga nakagawas na si Guo sa nasud.
Tungod niini, nagduda ang senador nga dunay pipila ka mga personalidad ang buot taguan ang sekreto nga pagsibat ni Guo.
Sa pagbalik sa sesyon sa adlaw’ng Martes, kuwestiyonon sa senador ang tanan sakop sa NBI, PNP, BI ug bisan ang DILG, atol sa ilang mga budget hearings kung nganong wala napuslan ang ilang bilyones nga intelligence founds, dihang nalutsan sila sa pugante nga mayor.
Una niini, mismo ang NBI ang mideklarar nga “fugitive” si Guo ug kinahanglan ideport sa Pilipinas.
Una niini, nagtuo ang senado nga matuod ang report nga si Guo, nagsilbing ispiya sa gobyerno sa China.
