Nagbangutan ug puno sa tumang kasakit ang mga residente sa Gaza human wala malakip ang ilang sitwasyon sa bag-ong gipahibalo nga peace deal tali sa Estados Unidos ug Iran.
Bisan pa sa mga paningkamot alang sa ceasefire, padayon gihapon ang pagpangbomba sa Israel nga mikalas na usab og labing menos 4 ka kinabuhi.
Gikumpirma sa gobyerno sa Israel nga magpabilin ang ilang mga tropa sa mga gubatonong dapit, nga nagpasabot lang nga layo pa sa kamatuoran ang pagtapos sa ilang operasyon militar.
Tungod niini, gibati sa mga Palestinian nga daw gitalikdan na sila sa mga diplomatikong paningkamot sa kalibutan.
Samtang nagkaduol ang pormal nga pagpirma sa kasabutan karong Biyernes, nagpabiling anaa ang igang ug tensyonado nga kahimtang didto sa Gaza. (JANE ABULAG)
