CAGAYAN DE ORO CITY – Gisubhan ni PNP chief Dir Gen Ronald de la Rosa ang duha ka bag-ong standard police stations nga nakabase sa lungsod sa Aloran ug Clarin,Misamis Occidental kagahapon sa buntag.
Kini kabahin sa pag-modernize sa mga imprastraktura ubos sa PNP aron mahimong konbiyente ang pag-trabaho sa kapolisan nga mohatag sa maayong resulta sa ilang mga trabaho sulod ug gawas sa mga opisina niini.
Miingon si PNP regional deputy spokesperson C/Insp Mardy Hortillosa II nga gipakigkitaan usab ni De la Rosa ang kontrobersyal nga si City Police Director C/Insp Jovie Espenido diin bag-uhay lamang usab nakakompiskar sa dul-ag libo ka marijuana stalks ug 3 kilos nga marijuana seeds, armas ug nagkadaiyang mga bala sa Brgy Guingona, Ozamiz City.
