Gihatagan sa saktong konteksto ni Historian Engr. Raul Ilogon ang kasaysayan sa nasud, ilabi na alang sa mga batan-ong Gen Z nga giingong kuwang na sa kahibalo tungod sa kawala sa maong subject sa mga tunghaan karon.
Giklaro ni Ilogon nga sa wala pa si Andres Bonifacio, nag-una silang Dr. Jose Rizal ug Juan Luna isip mga scholars ug propagandists didto sa Europa.
Pinaagi sa mantalaang La Solidaridad, dili dinalian nga kagawasan kondili reporma gikan sa gobyerno sa Espanya ang una nilang gisinggit.
Apan ang mga nobela ni Rizal nga Noli Me Tangere ug El Filibusterismo ang sinugdanan nga nagpukaw sa nagbukal nga tinguha sa mga Pilipino alang sa hingpit nga kagawasan.
