CAGAYAN DE ORO CITY – Nakatilaw sa mapait nga kaparutan ang Gilas Pilipinas sa nagpadayong 2019 FIBA World Cup didto sa China.
Kini human latusa sa powerhouse team Serbia ug Gilas sa ilang dula sa final score nga 126-67 kagabii.
Wala nagsilbi ang Gilas sa gipakitang composure ug shooting performance sa Serbia ilabina sa ilang star player nga si Denver Nuggets All-Star Nikola Jokic.
Nakasinati usab sa foul troubles ug nakabaton sa daghang turn-overs ang Gilas nga nagresulta sa ilang kaparutan.
Una niini, gilatos usab sa Team Italy ang Pilipinas sa score nga 108-62.
Ang Serbia ug Italy, wala pay pildi sa Group D sa kompetisyon sa ilang managsamang duha ka mga daug.
Sunod nga maka-atbang sa Gilas Pilipinas ang wala pa usay daug nga Team Angola ugma sa alas 3:30 sa hapon.
Tungod niini,dili na makaabante ang Gilas alang sa sunod nga round sa liga ning tuiga.
