Gipasigarbo ni Presidente Ferdinand Marcos Jr ang pag-gradwar sa 327 kadete sa Philippine Merchant Marine Academy (PMMA) “Salig-Hirang” Class, ning adlawa.
Sa iyang mensahe, miingon si Marcos nga mahinungdanon ang tahas sa mga seafarers sa nasud kay sila ang nagsilbing “kahayag” ug lig-on nga haligi sa nasod nga padayong gisaligan sa tibuok kalibotan.
Giasoy sa Presidente ang dinaliang aksyon sa gobyerno sa pagpalambo sa maritime education aron mapanalipdan ang trabaho sa kapin 50,000 ka marinong Pilipino nga nameligro kaniadto sa European Union.
Gipasalig niini ang kanunay nga ka-andam sa kagamhanan sa pagtabang ug pagpanalipod sa kaayohan sa mga seafarer bisan taliwala sa mga hulga sa kagubot sa nagkalain-laing dapit sa kalibotan sama sa Middle East.
Gidasig ni Marcos Jr. ang mga gradwado nga dalhon ang ilang diploma uban ang tiunay nga katakus, mapaubsanong pagpangulo, ug lig-on nga integridad sa ilang pagsugod sa bag-ong panaw sa kadagatan.
Gitapos sa Presidente ang iyang mensahe pinaagi sa pag-ingon nga dala sa mga bag-ong marino ang paglaom sa ilang pamilya ug ang tibuok suporta sa nasod nga hugot nga nagtuo sa ilang abilidad
