“Gusto lang magpasikat” , mao kini ang pagtan-aw ni kanhi Comelec Commissioner Atty. Rowena Guanzon sa mga komentaryong gipagawas sa usa ka abogado atol sa impeachment trial.
Gikuwestiyon ni Guanzon ang paghisgot sa mga argumento sa social media imbes nga ipresentar kini mismo sa Senate impeachment court.
Gipunting niya nga adunay mga lagda ug etika sa pagkaabogado nga angay sundon sa paghisgot sa usa ka pending nga kaso gawas sa husay.
Gikuwestiyon usab ni Guanzon kung nganong naghatag pa og mga komentaryo sa publiko si Atty. Ligutan imbes nga dad-on ang mga argumento sulod sa proceedings.
Matud niya, posible nga ang presensya sa mga kamera maoy hinungdan sa maong mga pahayag ug sa tinguha nga makakuha og atensyon gikan sa publiko. (jane abulag)
