CAGAYAN DE ORO CITY, Philippines – Pugson sa Commission on Elections si suspended Bamban, Tarlac Mayor Alice Guo nga mupatim-aw sa higayon nga mapasaka ang kaso sa eleksyon batok kaniya.
Sa pagkakaron, nagpadayon ang imbestigasyon sa poll body kalabot sa kandidatura sa suspendidong mayor sa 2021-2022 human mabutyag ang mga detalye sa iyang kuwestiyonableng personalidad ug nasyonalidad.
Gipasabot ni Comelec chairman George Erwin Garcia nga kun motubag ang usa ka akusado sa mga pasangil batok niya, kinahanglang moduso siya sa counter-affidavit ug dili kini mahimo sa iyang abogado tungod kay kinahanglang muduso ug manumpa ang akusado alang sa katinuod sa affidavit.
Ang Comelec nagtinguha nga bisitahon ang local registrar sa Bamban, Tarlac diin si Guo ni-file sa iyang certificate of candidacy niadtong 2021 ug nidaug pagka-mayor niadtong Mayo 2022 nga eleksiyon.
