Giaprobahan sa Commission on Elections (COMELEC) ang hangyo ni Naga City Mayor Leni Robredo nga isabay sa Barangay ug Sangguniang Kabataan Elections (BSKE) karong Nobyembre 2, 2026 ang plebisito para sa ratipikasyon sa pagkahimo nga Highly Urbanized City (HUC) sa Naga.
Tumong sa maong pagdungan nga mataas ang ihap sa mga botante nga mosalmot ug makadaginot sa gastuhon sa gobyerno tungod kay mas daghan ang gilaumang mopauli sa lungsod para sa maong piniliay.
Sumala ni Robredo, imbes nga mogasto saP50-milyones kon kini bulagon, mokabat na lang sa P20M hangtod P25M ang magasto sa plebisito o halos katunga sa orihinal nga kantidad. (RIZA BUDLAO)
