Ipatawag sa konseho sa Brgy Puntod ang Bureau of Fire Macabalan, ang kontraktor sa junction shop, ug tagdumala sa Flying V tungod sa “Harabis Fire” nga nahitabo sa tugkaran sa fuel station nga nahimutang sa Corrales Extension ning syudad.
Kini ang gibutyag ni Brgy Puntod Kagawad Dongkoy Abot human nasunog ang pipila ka basura ug ang gi-grinder nga tangke nga iya sa Fying V, pasado alas 11 sa buntag, ning adlawa.
Sa interbyu sa BOMBO RADYO, siya mikompirmar nga paspas nakontrolar ang kalayo human sila mismo ang unang miresponde dala ang ilang lima ka fire extinguisher.
Mi-abag kanila ang Bureau of Fire aron sigarudoon nga wala nay kalayo gikan sa gitabas nga “walay sulod” nga tangke.
Una niini, mi-aksyon sa kabalaka ang mga residente tungod sa kalit nga pagdako sa kalayo kilid sa gas station. Namugos ang BFP nga alarming ang maong sunog o “Harabis fire” kay duol kini sa fuel station.
