Nakasinati na sa grabeng kainiton ug kaigan ang Espanya.
Subay sa ulahing report, ang nasud naigo sa labing taas nga heatwave nga muabot sa 40-44 degrees celsius.
Partikular nga naigo sa tumang kainit ang Madrid.
Daghang turista ug lokal nga residente ang naglisod sa pag-adaptar sa sa sobra ka init, ilabi sa mga lugar nga daghang tawo sama sa El Rastro flea market.
Adunay mga turista nga m igamit na sa portable electric fan ug nagsul-ob og puti nga sinina aron bisan gamay maminusan ang kainit samtang nagbulad sa beach o sa dalan.
Gibutyag sa Spanish weather agency, 13 sa 17 ka rehiyon sa Spain ang gibutang sa orange heat alert, samtang ang Basque Country nakasinati og red alert.
Kini nga alerto maoy labing taas tungod sa grabe nga kainit.
Gilauman nga magpadayon ang heatwave hangtod sa Huwebes.
Nagpahimangno ang mga awtoridad sa posibleng maapektuhan ang kahimsog sa panglawas sa tawo, labi na sa mga tigulang ug vulnerable nga grupo, ug ang posibilidad nga musaka ang risgo sa mga wildfire o sunog sa mga lasang.
Tungod sa grabe nga kainit, pipila ka nasud sa Europa ang nagpatuman usab sa mga lakang sama sa travel warnings, alcohol restrictions, ug pagsira sa pipila ka public areas sama sa fan zones sa football events.
