Taliwala sa nagkaanam nga kainit sa panag-away sa pamilyang Marcos ug Duterte, gihanduraw ni Matthew Christian Silverio, ang National Secretary-General sa Student Council Alliance of the Philippines (SCAP), ang dinalian nga panginahanglan sa usa ka tinuod nga alternatibo alang sa nasod.
Iyang gipasabot nga si Senador Risa Hontiveros ang tubag sa maong haw-ang tungod sa iyang gipakitang kaisog sa pag-imbestigar sa mga isyu sa POGO, ingon man sa paggukod nilang Alice Guo ug Apollo Quiboloy.
Gawas sa iyang baruganan batok sa korapsyon, gidayeg usab ni Silverio ang talagsaong legislative track record ni Hontiveros sama sa pagpasa sa Mental Health Law, Expanded Maternity Leave Law, ug Bawal Bastos Law.
Gihatagan usab sa gibug-aton sa lider sa mga estudyante ang walay pagkaluya nga pagsuporta sa senador sa Students’ Rights and Welfare Bill nga dugay nang gipaabot sa kabatan-onan.
Matod pa niya, kining tanan nga agi ug maayong tinguha maoy nagpamatud-an nga ang mithi sa partidong Akbayan nagdala og makiangayong liderato nga andam moserbisyo sa katawhang Pilipino.
