Gipagawas na sa International Criminal Court (ICC) Office of the Prosecutor ang mga detalye sa kaso batok kang kanhi Presidente Rodrigo Duterte. Kini nga mga dokumento gisumiter sa Office of the Prosecutor ug gilakipan sa mga krimen nga gamiton sa Pre-Trial Chamber. Ang “Document Containing the Charges (DCC)” mao ang basihanan alang sa confirmation of charges hearing. Subay sa dokumento, ipapanubag sa mga prosecutor ang kanhi pangulo sa mosunod nga mga kaso.
- MURDER isip “crimes against humanity” sa Davao City panahon nga siya ang mayor sa 2013 hangtod 2016.
- MURDER isip “crimes against humanity” batok sa mga “high value targets” sa nagkalain-laing lugar sa Pilipinas panahon nga siya ang presidente sa tuig 2016 hangtod 2017.
- MURDER ug ATTEMPTED MURDER isip “crimes against humanity” sa mga barangay clearance operations sa nagkalain-laing lugar sa Pilipinas dihang siya ang nagulo sa nasud sa tuig 2016 kutob 2018.
Gumikan niini, gi-andam na sa mga prosekyutor ang 49 ka insidente nga nagsuporta sa kaso, gikan sa kinatibuk-ang 78 ka mga biktima, 19 ka biktima sa unang kaso. Katorse ka mga biktima sa ikaduhang kaso. Samtang 45 ka mga biktima sa ikatolong kaso. Gipamugos sa dokumento nga si Duterte ang anaa sa likod sa pag-apod-apod sa pondo ug pagbutang sa mga tawo aron mapatuman ang iyang “war on drugs campaign”. Kauban niini, gipagawas usab sa prosecution ang “Pre-Confirmation Brief” nga naghatag sa detalyado nga mga pagpasabot sa mga ebidensya ug argumento nga nagsuporta sa mga kaso batok kang Duterte.
Mahinumduman nga itakda unta ning adlawa Setyembre 23 ang confirmation of charges hearing sa kanhi pangulo, apan kini gipahunong sa depensa tungod sa isyu sa iyang panglawas, diin giingon nga dili na niya mahinumduman ang mga panghitabo ug nagsugod na siya sa pagkabungaw.
