Mobalhin ang mga sundalo sa Israel sa duha ka lokasyon sa habagatang bahin sa Lebanon aron itugyan kini ngadto sa militar sa Lebanon ubos sa bag-ong kasabutan nga gilagdaan didto sa Washington.
Sumala ni Prime Minister Benjamin Netanyahu, ang maong lakang usa ka pilot program diin biyaan sa Israel ang mga dapit nga “dili na nila kinahanglan,” samtang magpabilin gihapon sila sa kadaghanang bahin sa gi-okupar nga teritoryo hangtod nga dili madis-armahan ang Hezbollah.
Giisip sa Amerika ug Lebanon ang maong trilateral nga kasabutan nga unang lakang padulong sa mas lapad nga kalinaw ug pagbawi sa soberanya sa Lebanon.
Bisan pa man niini, gisaway ug gisalikway sa grupong Hezbollah ang maong negosasyon ug nanawagan sila sa gobyerno sa Lebanon nga bawion ang maong desisyon.
