Gipahibalo sa gobyerno sa Israel ang bag-ong mga lakang nga mopahugot sa ilang sibil nga kontrol sa pipila ka parte sa West Bank, lakip na ang pagbag-o sa regulasyon sa yuta, pagplano, ug pagtaas sa ilang gahum sa mga lugar nga ginadumala sa Palestinian Authority.
Gibatikos kini sa mga lider sa Palestina, nga nagsulti nga kini makapaluya sa posibilidad sa usa ka kaugmaong estado sa Palestina.
Daghang mga nasud sa Arabya, sama sa Jordan, Saudi Arabia, ug UAE, usab ang mibatikos sa mga lakang ingon nga ilegal ug hulga sa kalinaw sa rehiyon.
Ang internasyonal nga komunidad, lakip ang mga grupo sa tawhanong katungod ug pipila ka bahin sa European Union, nagpahayag usab sa kabalaka bahin sa posibleng epekto niini sa kalinaw sa rehiyon. (Phillip Ariata)
