Giklaro ni kanhi COA State Auditor Roderick Wamil ang legal nga basehan sa intelligence (IFs) ug confidential funds (CFs) atol sa impeachment trial ni Vice President Sara Duterte.
Atubangan sa pangutana ni Atty. Lorna Kapunan, gitin-aw ni Wamil nga ang maong mga pondo gi-regulate ubos sa Joint Circular No. 2015-01, nga naglatid sa mga lagda sa paggamit, pag-release, liquidation, ug pag-audit niini.
Matud ni Wamil, ang intelligence funds mao ang lump-sum appropriation nga gigahin alang sa intelligence operations sa usa ka ahensya sa gobyerno.
Samtang ang confidential funds mao usab ang lump-sum appropriation nga gitagana alang sa confidential activities nga may kalabotan sa mandato sa ahensya.
