Gikompirmar sa United States Central Command ang ilang ika-onse ka adlaw sa retaliatory attack batok sa nasud sa Iran.
Pipila sa ilang target ang military command centers, missile ug drone launch sites, maritime assets, ug air defense systems sa Islamic Revolutionary Guard Corps (IRGC) aron pahuyangon ang abilidad sa Tehran sa pagpanghulga sa komersyal nga pagbiyahe sa Strait of Hormuz.
Ang pinakabag-ong pagpamomba milungtad sa lima ka oras.
Kabahin kini sa mas gipalapad nga panagbangi nga nagsugod pa niadtong Pebrero 28, nga nakapatay na sa libo-libo ka tawo ug nakapahawa sa minilyong ihap sa mga apektadong resident.
Gawas niini, ang gubat sa US ug Iran miresulta sa pagsaka sa presyo sa lana sa tibook kalibutan
Sukad Pebrero, miabot na sa 17 ka sundalo sa U.S. ang nakalas sa gubat samtang ang Revolutionary Guard sa Iran mitubag sa pagpamomba sa Israel, sa mga Gulf states nga nag-host sa U.S. bases, ug sa mga oil tankers sa rehiyon.
Si United States Presidente Donald Trump misaad pa sa dugang nga pagpanghimakak ug naghulga nga palapdan ang target ngadto sa civilian infrastructure, nga gipasidan-an sa mga eksperto nga mahimong makalapas sa internasyonal nga balaod.
Hisayran nga ang padayon nga eskalasyon nagpalig-on sa hulga sa kalig-on sa rehiyon ug sa global nga komersyo samtang nagpadayon ang gubat.
