CAGAYAN DE ORO CITY – Nadakpan pinaagi sa entrapment operation sa Crime Against Person and Property Desk ang usa ka babaye nga nagpatoo nga empleyado sa usa ka recruitment agency diha sa may Yacapin-Velez Sts ning syudad.
Giila ang suspek nga si Maricel Sulilawan, 34-anyos ug residente sa Claveria, Misamis Oriental.
Sumala ni Public Employment Service Office o PESO Manager Kathleen Kate Sorilla nga modus ni Sulilawan nga mang-recruit sa mga aplikante nga gusto manarbaho sa Saudi Arabia isip domestic helper.
Daghan usab mga aplikante nga na-engganyo mag-apply tungod kay libre ang ilang paglukat sa requirements.
Hisayran nga na-rescue sa mga otoridad sa operasyon ang lima ka aplikante ning syudad.
Public Employment Service Office o PESO Manager Kathleen Kate Sorilla
Samtang, giangkon sa suspek nga si Maricel Sulilawan ang nahimo niya nga salaod apan gipamugos niini nga wala siya’y kasayuran nga illegal ang iyang gihimo.
Gibutyag ni Sulilawan nga gisugo lamang siya sa ahente sa usa ka recruitment agency nga mang-recruit sa mga aplikante nga gustong manarbaho gawas sa nasud.
Dugang pa niini nga igo lamang siya gatabang sa mga nangita’g trabaho ilabina nga may makuha usab siya nga tag-P5,000 sa matag ma-recruit nga aplikante.
Si Sulilawan ang nag-atubang sa kasong illegal recruitment.
Maricel Sulilawan
