Namugos si Ombudsman Jesus Crispin “Boying” Remulla nga ang nagpadayong imbestigasyon sa mga anomalya sa flood control ug infrastructure projects nagtimaan sa dako nga higayon aron padayonon ang reporma sa mga institusyon sa gobyerno.
Atubangan sa 7th Global Conference on Sustainable Development Goal 16 didto sa United Nations Headquarters sa New York, giangkon sa Ombudsman ang hagit sa korapsyon nga giatubang karon sa Pilipinas.
Siya miingon nga ang tumong sa maong lakang dili lang ang pagpapriso o pagpanubag sa mga kurakot nga opisyal, kon dili ang pagtukod sa mas lig-on nga sistema para sa umaabot.
Gipasigarbo usab ni Remulla nga ang kalamposan sa pakigbatok sa korapsyon dili masukod sa kadaghan sa kaso nga napasaka, kon dili sa ka-epektibo sa serbisyo sa gobyerno ngadto sa katawhan.
Hisayran nga misulat na siya kang Supreme Court Chief Justice Alexander Gesmundo aron ihangyo nga maapil ang Office of the Ombudsman sa Justice Sector Coordinating Council alang sa mas hugot nga koordinasyon.
