Gipahayag ni Impeachment Court Spokesperson Atty. Reginald Tongol nga magpadayon ang impeachment trial batok kang Bise Presidente Sara Duterte hangtod nga walay ipagawas nga Temporary Restraining Order (TRO) o ‘status quo ante order’ gikan sa Korte Suprema.
Sumala niya, walay legal nga babag sa pagpadayon sa impeachment trial bisan pa sa mga petisyon nga gipasaka sa pipila ka grupo sa mga abogado nga nagtinguhang temporaryong ipahunong ang maong proceedings.
usab niya nga respetuhon sa impeachment court ang sub judice rule ug dili na sila mohatag og dugang komento tungod kay anaa na sa Korte Suprema ang maong mga petisyon.
Iyang gipasabot nga kon adunay ipagawas nga TRO o status quo ante order, pagahisgotan kini sa tibuok impeachment court isip usa ka ‘collegial body’ aron malikayan ang bisan unsang constitutional crisis tali sa mga sanga sa kagamhanan.
