Gitakdang mosamot pa ang kainit sa impeachment trial sa mosunod nga semana human pormal nga gipahibalo ang mga sunod-sunod nga lakang ug pagsalang sa mga importanteng saksi sugod karong Hulyo 13, 2026, adlaw’ng Lunes.
Sa gilusad nga senate press briefing namahayag si Impeachment Court spokesperson Atty. Regie Tongol nga gimandoan ang prosekusyon ug depensa sa pagsumiter sa pormal nga memorandum kalabot sa mga subpoena sa bank records ug mga dokumento gikan sa BIR ug AMLC.
Una nga isalang isip saksi si Atty. Jeremy Lotoc alang sa prosekusyon sa adlawng Lunes, nga pagasundan usab ni OVP Chief of Staff Atty. Zuleika Lopez sa adlawng Martes, Hulyo 14.
Sa mosunod nga adlawng Miyerkules, gilauman usab ang pag-atubang ni Captain Melinda Belio dungan sa pagahimoong oral argument sa depensa ug prosekusyon mahitungod sa mga kontrobersiyal nga bank deposits ug BIR documents.
Hatagan ang matag panel sa napulo ka minuto aron lalisun ang ilang mga baruganan base sa gisumiteng memorandum, ug dugang tolo ka minuto alang sa paghimo og rebuttal.
