Gipahayag ni kanhi COMELEC ug COA Commissioner Atty. Rowena Guanzon nga klarong ‘politically motivated’ o adunay sagol pamulitika ang gipahigayong impeachment trial batok kang Bise Presidente Sara Duterte bisan pa man nga usa kini ka politikal nga proseso.
Sa exclusibong interbyu niya sa Bombo radyo, giingong palpak ug hinay ang prosecution tungod kay napakyas sila sa pagkonek sa mga testimonya sa NBI agents ug sa giingong grave threat aron mapamatud-an ang ‘culpable violation of the Constitution’.
Gipunting usab ni Guanzon nga kinahanglang sundon ang ‘due process’ sa matag lakang sa impeachment subay na usab sa gipagawas nga desisyon sa Korte Suprema.
Dugang pa niya, mas maayong paabuton na lamang ang mga mosunod nga testigo bahin sa ‘confidential funds’ tungod kay posible nga mas andam ang prosecution sa maong hisgutanan nga naglambigit sa giingiong ‘graft and corruption’. (riza budlao)
