CAGAYAN DE ORO CITY – Walay bisan usa nga seryosong panghitabo nga nakahatag pagkabalda sa national rally of peace sa dul-an 20-mil ka sakop sa Iglesia Ni Cristo o INC sa Amphitheatre,Divisoria ning syudad kagahapong adlawa.
Kini subay sa personal nga assessment ni Police Regional Office 10 Director Brig Gen Jaysen De Guzman nga personal gitutukan ang katiguman sa INC members sa syudad.
Siya miingon nga sama gisaad sa INC officials, malinawon nila napahigayon ang ilang panawagan sa panaghiusa alang sa nasudnong lideres nga naglakip kan Pres Bongbong Marcos ug Vice Pres Sara Duterte nga gibulit pag-ayo sa mga intriga.
Hinoon,mi-eksena usab ang ilado local activist nga si Nicanor Aca diin mihimo’g senaryo batok sa rally sa INC diin siya gi-hold sa kapolisan sa pipila ka minutos.
Hisayrang napugos pagsuspenso sa trabaho ang city hall ug walay klase ang mga tinu-an sa elementarya ug sekondarya tungod sa maong kalihukan.
