Ipatuman sa Police Regional Office 10 ang intensified police operations alang sa nagkaduol nga pagbalaan sa mga adlaw sa Semana Santa.
Gibutyag ni Police Major Joann Navaro, spokesperson sa PRO-10 nga sugdan ang deployment sa daghang pulis sa mga simbahan, beach resorts, mga pantalan, tugpahanan, ug tourist spots sa Northern Mindanao sa Adlaw sa Lukay, o Palm Sunday, padulong sa dagkung mga religious sites, sama sa mga simbahan nga mupahigayon sa bisita iglesia, pagpanaad, ug misa sa adlaw sa Pagkabanhaw.
Giawhag sa kapulisan ang mga dumuduong, local tourist, ug mga gapanaad sa mga religious site nga musubay sa mga gabayan aron mamentinar ang kahusay ug kalinaw sa rehiyon.
Gawas sa deployment sa religious site, dili gihapon biyaan sa kapulisan ang overlapping checkpoints alayon sa paghatag proteksyon sa nagkaduol nga eleksyon.
