Gisumbalikan ni Palace Press Officer Claire Castro si Vice President Sara Duterte human sa iyang akusasyon batok kang Presidente Bongbong Marcos nga nalambigit sa droga, korapsyon ug pagkadili matinud-anon.
Gipunting ni Castro ang isyu sa droga ngadto sa amahan ni Duterte nga si kanhi Presidente Rodrigo Duterte, nga kaniadto misulti bahin sa paggamit sa marijuana ug fentanyl.
Giingon ni Castro nga kinahanglan tubagon ni VP Duterte ang mga pasangil sa korapsyon nga gibato batok kaniya imbes ipasa kini kang Marcos.
