Gibaliwala lang ni Presidente Bongbong Marcos ang bag-ong mga pagpang-atake ni Vice President Sara Duterte batok kaniya ug mitug-an nga wala siyay tubag sa maong mga akusasyon.
Sa iyang pakighinabi sa international press sa India, gobutyag ni Marcos nga kung nasuko si Duterte sa mga panghitabo ug siya ang nahimong target sa kasuko, gamay ra ang iyang mahimo.
Iya usab gipasabot nga dili niya mapugos ang usa ka tawo nga mahigugma kaniya.
Nagtoo si Marcos nga ang mga pulong sa bise presidente bahin lamang sa politika ug dili na niya angay nga palawmon pa.
