Upat ka indibidwal, lakip na ang usa ka sakop sa kapulisan, ang nasamdan sa nahitabong pagpamusil sulod mismo sa Central Pilot Elementary School sa Poblacion Sais, Cotabato City alas 6:45 sa buntag.
Subay sa inisyal nga report, usa ka sakop sa PNP Regional Mobile Force Battalion 13 ang naigo sa tiil sa bala.
Tulo pa ka laing indibidwal ang nakadawat igo-pinusilan sa bala apan wala pa makumpirma sa kapulisan ang ilang identidad ug posibleng grupo o organisasyon kung asa sila nalambigit.
Sumala sa kapulisan, nagpabuto og daghang bala ang mga wala mailhing armado nga sulod sa CPES. Human sa insidente, dali nga miresponde ang mga tauhan sa QRF, gisirado ug gikordon ang lugar ug giluwas ang mga biktima ngadto sa CRMC aron matambalan.
Nagpadayon na usab ang hot pursuit ug interdiction operations sa mga otoridad aron masuta ang tinubdan sa kagubot ug ang motibo sa pagpamusil.
Tungod sa nahitabo karong buntag, gibutang sa Comelec control ang tibuok Cotabato City ug gipahugtan ang seguridad sa lungsod.
