Giaghat ni Lanao del Sur Representative Zia Alonto Adiong ang mga botante sa probinsya nga gamiton ang ilang katungod sa pagboto sa halalan sa Bangsamoro.
Matud niya, dako og papel ang eleksyon sa pagpalig-on sa kalinaw ug kalig-on sa rehiyon.
Gipasabot ni Adiong nga ang aktibong partisipasyon sa mga botante makatabang sa pagpalig-on sa demokratikong proseso sa Bangsamoro.
Gilauman usab nga pinaagi sa malinawon ug hapsay nga eleksyon, mapadayon ang demokratikong transisyon sa rehiyon.
Nanawagan siya sa mga botante nga responsableng tumanon ang ilang katungdanan aron makatampo sa kalinaw. (jane abulag)
