Gibutyag ni Interior Secretary Jonvic Remulla nga walay kamatooran ang hugunhugon nga na-aresto na si Senador Ronald “Bato” dela Rosa.
Dugang niya, dili tinood ang mga nanggawas nga istorya nga naaresto ang Senador ug gidala na kini sa The Hague.
Miingon si Remulla nga nagtoo sila nga anaa pa gihapon si Senador dela Rosa sa Pilipinas partikular na sa Mindanao ug kasamtangan pa gihapong kining gipangita sa mga Law Enforcement Units sama sa Department of Justice (DOJ) ug Department of Interior and Local Government (DILG).
Dugtong niini, gipahayag ni Interior Secretary Remulla nga kung ilahang ma-aresto ang Senador dili kini nila itago sa publiko kay transparent ang ilahang ahensya ug wala kini gipahigayon nga mga sekretong operasyon. (raniel mahunyag)
