Sa pagsaulog sa National Heroes’ Day, gipadumdum ni Pangulong Ferdinand R. Marcos Jr. nga ang Pilipinas ug ang soberanya niini angayan lang ipaglaban ug panalipdan alang sa mga umaabot nga henerasyon.
Subay sa iyang National Heroes Day speech, miingon si Marcos nga ang kabayanihan dili lamang makita sa mga bayani sa kasaysayan, apan usab sa matag Pilipino nga nagsakripisyo ug nagbarug para sa nasud. Gipangayo niya sa mga Pilipino nga magpadayon sa pagtuman sa ilang katungdanan sa pagpanalipod sa interes sa nasud, pagpreserba sa kagawasan, ug pagpalig-on sa pagkahiusa.
“Ang Pilipinas ay karapat-dapat na ipaglaban. Ang bawat Pilipino ay karapat-dapat paglingkuran. Ang ating soberanya ay karapat-dapat na ipagtanggol,” matod pa sa Pangulo sa iyang mensahe.
Gipahinumdom usab niya nga ang espiritu sa kabayanihan magpadayon pinaagi sa pagpakabana ug pagpaningkamot sa matag usa aron mapadayon ang kalinaw ug kalig-on sa Republika.
