Gigitudlo si Mohsen Rezaei nga bag-ong kalihim sa Supreme National Security Council sa Iran.
Kini nga posisyon maoy ikaduhang labing gamhanan nga lider sa sanga nga nagdumala sa siguridad ug sa foreign policy sa maong nasod.
Ang 71-anyos nga kanhi kandidato sa pagkapresidente nahimong usa sa mga pinakasuod nga alyado ug representante ni Supreme Leader Mojtaba Khamenei pinaagi sa usa ka opisyal nga dekreto.
Misulod si Rezaei sa Islamic Revolutionary Guard Corps (IRGC) human sa 1979 Islamic Revolution ug nahimong komandante sa edad nga 27 anyos lamang, diin gipangulohan niya kini sulod sa 16 ka tuig.
Mailhan tungod sa iyang gahi nga baruganan ug pagsaway sa mga negosasyon, dayag usab niyang gibaharan ang Estados Unidos taliwala sa nagpadayon nga giyera.
Usa sa iyang kontrobersyal nga pahayag mao ang pag-ingon nga maayo kun mosulong ang US tungod kay makakuha sa liboan ka mga hostage ang Iran nga nagkantidad og usa ka bilyong dolyar matag usa.
Gibase ni Khamenei ang maong pagtudlo sa bililhong kasexperience ug taas nga serbisyo militar ni Rezaei sa pagpanalipod ug pagpalig-on sa nasod.
