Gipamatud-an sa prosecution nga adunay iregularidad ug ilegal ang paggamit sa Office of the Vice Presidente ug sa Department of Education sa gi-alokar nga Confidential funds lang Vice President Sara Duterte.
Sa nagpadayong impeachment hearing, init nga gipangutana ni House Private Prosecutor Atty. Lorna Kapunan si kanhi Commission on Audit State Auditor Roderick Wamil mahitungod sa paggamit sa confidential funds, kundiin, gitutukan sa ilang panagtubag ang mga Acknowledgment Receipt nga gisumite isip suporta sa liquidation, lakip ang resibo nga nagpakita sa pangalan ni Mary Grace Piattos ug kantidad nga ₱70,000.
Matod ni Wamil, ang acknowledgment receipt pamatuod lamang nga adunay nadawat nga kuwarta, apan dili kini igo aron mapamatud-an nga legal ug husto ang paggamit o pagliquidate sa confidential funds kay gikinahanglan pa ang ubang supporting documents.
Tungod niini, gipangutana ni Atty. Kapunan kung igo ba ang maong mga dokumento aron mapamatud-an nga nasunod ang mga rekisitos sa COA sa pagliquidate sa maong pondo.-
