Misamot pa ang tensyon sulod sa Gaza City, human mihungaw ang laraw ni Israeli Prime Minister Benjamin Netanyahu nga kontrolon ang 70% sa tibook “land territory” sa Gaza strip.
Gihimo ni Netanyahu ang abiso, pipila ka adlaw nga ilang napatay ang Hamas Commander nga si Mohammed Odeh sa gilusad nga airstrike sa sentrong bahin sa Gaza.
Kagahapon, milusad usab sa airstrike ang Israeli Defense Force (IDF) sa Khan Younis kundiin daghang mga balay ang nalamoy sa kalayo. Gipaningkamutan kini sa civil defense worker sa pagpalong sa sunog.
Subay sa ulahing report, kontrolado pa sa IDF ang 64% sa teritoryo bisan pa man sa kasabutan nga ceasefire batok Hamas, ug pag-atras sa mga sundalo sa Israel sa Yellow Line.
Hisayran nga padayon ang pag-antos sa mga sibilyan tungod sa mga pagpamomba nga mnikalas sa daghang kinabuhi, lakip na ang mga bata taliwala nga nagsaulog pa sila sa mga adlaw sa selebrasyon sa Eid al-Adha
