Duha ka Hamas security officials ang napatay sa Israeli airstrike sa sentral nga Gaza Strip.
Kini ang gibutyag sa a lokal nga mga awtoridad sa maong lugar.
Sa usa ka pamahayag, giingon nga ang pagpapamusikad mitarget sa usa ka sakyanan sa siyudad sa Deir al-Balah.
Giila ang mga biktima nga sila si Wael al-Ladawi, 44, hepe sa internal security service sa sentral Gaza ubos sa Hamas-run interior authorities, ug si Major Ramez Abu Zureiq, 49.
Gibutyag sa lokal nga mga tinubdan ug mga saksi, usa ka Israeli drone ang mipabuto sa tulo ka missiles ngadto sa sakyanan.
Ang Palestine Red Crescent Society mitaho nga ilang mga crew nakaluwas sa pito ka tawo nga samaran sa insidente.
Wala dayon motubag ang Israeli military bahin sa maong pagpabuto.
Ang hitabo misunod sa pagpatay ni Abdul Nasser al-Maqadma, police chief sa amihanang Gaza ubos sa Hamas-run interior authorities, nga napatay sa usa ka Israeli airstrike sa kasadpang bahin sa Gaza City niadtong Sabado.
Sa ilang adlaw-adlaw nga report, giingon sa health authorities sa Gaza nga siyam ka lawas ug 36 ka samaran ang nadala sa mga ospital sa sulod sa 24 ka oras.
Giingon usab nga sukad sa pagtapos sa ceasefire tali sa Hamas ug Israel niadtong Oktubre 2025, 1,200 ka tawo na ang napatay sa Israeli attacks, nga nagdala sa kinatibuk-ang death toll sa enclave sukad Oktubre 7, 2023 ngadto sa 73,326.
