Gibutyag ni Ombudsman Jesus Crispin Remulla nga ilang balikan ug susihon pag-usab ang una nang gibasura nga reklamo kalabot sa giingong iregularidad sa nahitabong 2019 Southeast Asian Games sa nasod.
Mahinumduman nga niadtong tuig 2021, gibasura sa Ombudsman ang maong kaso batok kang Department of Public Works and Highways (DPWH) Secretary Vince Dizon tungod sa kakuwang sa igong ebidensya.
Matod ni Remulla, wala pa’y pinal nga desisyon ug ila pa kining pagataun-an kon ipatawag ba si Sen. Alan Cayetano aron sa paghatag sa pahayag isip kanhi chairman sa Philippine Southeast Asian Games Organizing Committee (PHISGOC).
Giingong kini nga lakang nagtumong sa pagsiguro nga matuki’g maayo ang tibuok detalye sa maong isyu aron makab-ot ang kamatuoran
